Tuesday, February 28, 2006

Google

諗住400沽, 點知高見397 後就急跌至338...400呢個裂口阻力真係好大!

落左盤係345 再買多10股...

我用左幾年, 炒入MSCI, 炒入HSI 的方法依家已經完全唔Work! 係d Index Funds 醒左定係太多人用呢招呢?!

以前每年都有4-5 次呆証賺3-6%的機會, 家下冇晒...

今日係1.48入左8280, 2.55入左8247

聽日唔理升跌都會沽出3383 同埋今日撈底的1072

投機佈署

1) 雅居樂(3383)入MSCI
2) 網通(906)入恆指
3) 天業節水(8280)開市追入
4) 鱷魚恤(122)突破在即
5) 愉港(613)同系已異動
6) 新地(16)星期五中期業績, 買CALL
7) 偉易達(303)近期不停請人, 聽聞派好多BONUS, 今年生意一定好旺, 已突破頭肩底頸線, 目標價30/32.
8) 粵投(270), JP 最近會見管理層, 確認會三年內分析酒店及其他非核心業務, 目標價4.0, 突破3.6 要追入
9) 東機(1072), 趁回調,補番D 貨

*GOOG 又升多10蚊, 真開心! =P

Sunday, February 26, 2006

煤氣(3)

佔嘉享灣50% 權益, 仲有一半單位可賣, 最近業主收樓, 非常滿意, 口碑十分好, 可比美太古城!

又佔國金II期15% 權益, 今年租金收入增張100%

翔龍灣1800 個單位, 三份年報都冇寫權益的比例....好大機會煤氣佔大份!

物業發展時就利用煤氣的現金流去支持, 到套現時就盡量增持權益, 把利潤盡量回流母公司, 再派回大股東手上, 非常聰明的安排!

有報導恆發(97)可能實物派發所持煤氣的股票, 令煤氣的權益直接回流恆地, 我唔係咁同意呢個講法, 因為如果咁做, 有25% 的權益會被派發在公眾人仕身上, 相當於煤氣9%的股權....值得嗎?!

HSBC

近一個星期, 不停係身邊聽到D人想趁匯豐反彈沽出換馬.

部份人想換落建行....呢種諗法好得人驚!

如果市場上真係有一批人會沽匯豐, 再拎D錢黎炒, 二三線股的動力必然上升, 再上演一場雞犬皆升的情形一D 都唔難!

立一立首長國際(697)....應該可以有可觀的回報!

Saturday, February 25, 2006

首長國際 (697)

<<轉載自國金外望--方卓如>>

後著

Friday, February 24, 2006

雅居樂 (3383)

星期二之後入MSCI, 升硬!

GEM Board IPO 投機

星期一 GEM Board 有兩隻IPO, 我都鐘意

8247 貨源超級集中, 本身質數唔錯, 今年業績可能平平, 但住後的增張會好強.

8280 毛利高, 又有農業股概念, 貨源亦係好緊!

但唔明點解兩隻都以下限定價???


中生北控生物科技<08247> - 新上市

市場參與者請注意,中生北控生物科技股份有限公司已獲批准於創業板上市
,其H股份將於27/02/2006(星期一)上午九時三十分開始以下列安排進行買賣:

證券代號 證券簡稱 交易單位
-------- -------- --------
8247 中生北控生物科技 2,000 H股


天業節水<08280> - 新上市

市場參與者請注意,新疆天業節水灌溉股份有限公司已獲批准於創業
板上市,其H股份將於28/02/2006(星期二)上午九時三十分開始以
下列安排進行買賣:


證券代號 證券簡稱 交易單位
-------- -------- --------
8280 天業節水 2,000 H股

才庫 (8073)

今日0.77 入左貨

業績比預期差少少, 但喜見派息, 每股派4仙, 現價股息回報5%, PE 6倍, 算是抵買!

對公司的策略有D意見:

1) 印刷業務投資額大, 又冇規模效應, 是否有必要呢?!
2) 投資物業又有不務正業的感覺
3) Recruit 算唔算行業的領導者?? 係定唔係...都冇必要不停係年報度吹噓囉!
4) 1010job.com 老實講, 唔搞好過搞!

應該:
1) 集中資源發展航機雜誌業務
2) 出售所有非核心業務
3) 改名
4) 引入策略性股東

雖然有缺點, 但升50-100%就一d 問題都冇! 我會慢慢等...

亞洲金融(662)

盈保都開車啦, 亞洲金融旗下保險業務, 賬面值10億, 以1.5 倍估值, 最少都值15億啦, 加埋亞銀賣盤的45億cash, 成間野最少值60億, 現價只係40億!!

成間保險公司免費送的, 仲有5億cash 落袋!

拎10億黎派特別股息都好和味啦! (25% yield return)

中信系

財經消息 中信銀行傳與中信嘉華合併並擬上市
<匯港通訊> 《第一財經日報》引述中信銀行總行一名人士報導,中信銀行與中信國際金
融(0183)旗下中信嘉華銀行的高層領導在早前進行內部會議,並且達成框架性意見,兩行計
劃在十八個月內全面合併。日後中信銀行將會主理內地企業的相關業務,而中信嘉華則全面
負責內地企業拓展國外業務,或國外企業借道中信嘉華的平台進軍內地市場。

此外,有消息指,中信銀行正構思收購中信國際金融或中信嘉華,最終希望可以整體在 A
股及香港兩個市場同時上市。

Thursday, February 23, 2006

雜記2

香港 (XFN-ASIA) - 南海控股(680.HK)宣布, 位於深圳蛇口的豪宅項目半島城邦第一期, 開售5天全期1,012個單位, 約14.5萬平方米樓面面積, 已悉數出售, 每平方米平均作價約1.1萬人民幣, 套現近16億人民幣。 半島城邦樓盤佔地30萬平方米, 建築總面積超過100萬平方米。項目分5期發展, 建成後可提供超過7,000個住宅單位。

咁計法咪....可以套現100億?! 市值只係40億咋喎....

Google 又升左14 蚊, 賺緊350蚊美金, 第一次買美股有咁的成績, 好滿意啦! 400 蚊的阻力可能會考慮走一走! 不過一定會補番黎長楂...

雜記

下晝放假, 估唔到1072 爆上13.0, 排左係12.9 沽盤亦順利套現, 再升咪分斷減持囉, 再跌咪買番囉, 我對佢不知幾有信心!

北控(392)回番15.0 左右又可以補番! (沽空唔細...)

大酒店(45), 回試8.55 係最佳的入貨位.....冇架啦, 必上9.5 (文華東方今年多賺2倍)

新地(16),一講就升, 買到買唔切 (國金今年的租金升左100%)

神數(861),走雞呀!!!!

華潤系即將分柝華源為旗下醫藥旗艦上市, 一定要睇實醫藥呢個sector, 其實上實(363)係呢方面都暗中進行緊重組.....值得留意!

另一個sector 就係農業相關的股份,我話過唔會買超大(682)....咪因為歐亞囉!

遠展(35)頻頻被基金增持, 有d 睇頭......睇實呀!

睇中一隻超級冷門的才庫(8073), 明日公佈業績,點解好? 被佢拎到南航的飛行雜誌業務, 每年都有3 千萬利潤, 如果再擴展到東航, 國航, 真係不得了, 市值只係2 億, 手頭現金3-4 千萬, 極少負債, 風險係交投超級少......

304, 927, 1174 都似乎搵到支持, 應該見左底! 但呢三隻都係悶股......

咁多股, 點買呀?! 係囉.....自己諗掂佢啦! 我只係負責係度吹水!

煤氣(3)

升到上19.5, 四叔係咁大手增持, 恆發(97)亦出手增持, 四叔私有化恆發的動機相當明顯, 就係煤氣的價值!

PE 成35倍, 2厘的股息回報.....點搞呀!

首先, 龍翔彎就快開售, 煤氣我唔SURE 有份得分賬, 但地皮本身就係煤氣的南廠.

另外, 手持內地超過30 個燃汽項目, 08 年可佔現時利潤的40%.

再另外, 開始開拓內地的供水業務, 內部回報只有四叔最清楚....

我當然唔會直接買煤氣啦, 恆發手持煤氣的權益已經大過本身的市值, 其餘業務全部係FREE....

好彩係13.65 入左恆發, 唔係今晚肯定訓唔著!

盈科保險(65)

AXA 動用33億收購左MLC 於香港及印尼的業務, 相等於1.5倍內涵值

盈保現價等於0.7倍的內涵值, 似乎被嚴重低估.

今日公布業績, 之前因為會計錯誤而下跌, 是一個低吸的良機, 睇下今次業績後會唔會再跌

我個人估計, 新穚私有化盈拓後, 必會出售盈保...

投資策略

轉載自信報曹仁超<<投資者日記>>

成功投資策略係商業周期見底時開始小量吸納(因唔知伊於胡底);當商業周期開始向上,甚至已上升20%,才大量吸入(寧買當頭起、莫買當頭跌),然後耐心等候商業周期見頂(短則十八個月,一般長達三年,亦有長達四年),繼而逐步減持,另找其他商業周期見底行業。學習何時買入、何時持有、何時放手(Buy, Hold, and Let go)。有陽光時晒乾D草,以便冬季時用,而非到冬季才到處為牛羊搵草吃。上述係農夫智慧,一樣可用於投資策略。

Wednesday, February 22, 2006

樓市

在樓按大戰帶動下, 仲有今年加薪, 減稅等, 憧憬息口見頂....樓市應該會有一段小陽春, 誠哥又頻頻出手增持...

只果買地產股, 買新地(16)加美聯(1200)就夠晒, 長實比和黃的3G拖住後腳....一定唔會考慮!

新地上年的業績仲未用新的會計入賬, 所以今年的業績會超靚, 今年仲會預售全亞洲最高的住宅項目....United Center, Manhattan 等.....一定會賣得好貴! 旗下商場都勁旺.....租金收入都會勁升, 上海又有陸家嘴的甲級寫字樓.....

Capital Group 增持到超過5%......買落去的錢唔係講玩!

*從利率走勢上睇, 息口未必見頂, 熱錢一走就大件事! 不過.....短線黎講,熱錢唔黎香港,仲有更好的出路?

中石化 (386)

中石化是亞洲銷售額最高的公司, 跟中石油一樣, 壟斷了中國的汽油業務, 民企根本無法突破門檻, 一旦汽油價格與國際油價接軌, 汽油業務立即由週期性及帶有政策風險的業務轉為一隻現金牛!

解釋了為何中石化肯槺概地私有化旗下所有下游業務....

最近跟伊朗的能源合作計劃, 涉資高達1000億, 令上游的原油及天燃汽供應更加穩定!

中石化是未來標準的藍籌股....有買貴冇買錯! 現價仲大把水位.....

北控 (392)

股改會令北控蝕三億的消息, 果然係入市良機!

北京天燃汽業務快被注入北控, 集團將轉型為北京的基建, 公供事業為主, 北京天燃汽有幾好? 你望下四叔間煤汽(03)....再諗下北京冬天有幾凍.....再諗下北京有幾大....再諗下一個首都的供汽業務有幾值錢....

16.0 沽清套利先, 16% profit.

普京下月訪華

能源當然係必談的項目, 中俄輸油管, 天然汽合作....

東北三省亦會加強同俄羅斯的合作, 連上海實業(363)都話會考慮發展俄羅斯房地產...

中鋁 (2600)

857, 386 都入夠貨等佢股改,IPO 及入HSI, 就係冇係7.2買2600....比D 期貨的負面報導嚴重影響左判斷!

另外招銀己完成股改, 下半年會登陸香港, 我認為招銀係中國目前管理水平最高, 貸款質素最最好的一間, 不妨留意下招銀基金(133), 手持招銀及興業銀行的價值已達每股8.0, 我估計的NAV 高達12.0....遲早會私有化

ETF

近年ETF (Exchange Traded Funds) 係美國大行其道, 梗係啦, 相對基金而言, 最少都平左5% 的認講費...仲未計其他雜費, 而且實時報價, 買賣方便!

有時間要研究下有冇d 好野

Yahoo ETF Center

Tuesday, February 21, 2006

東方電機(1072)

市 場 消 息 透 露 , 東 方 電 機 ( 1072 ) 母 公 司 中 國 東 方 電 氣 集 團 , 計 畫 私 有 化 旗 下 上市 A 股 東 方 鍋 爐 ( 600786 ) , 再 將 之 注 入 東 方 電 機 , 以 使 東 機 的 業 務 更 完 備 。 東方 鍋 爐 顧 名 思 義 , 從 事 生 產 發 電 鍋 爐 為 主 , 亦 是 東 機 所 缺 乏 項 目 。 東 方 鍋 爐 現 有 產品 包 括 30MW 及 600MW 亞 臨 界 自 然 循 環 或 控 制 循 環 中 間 再 熱 鍋 爐 、 壓 力 容 器 、 電 站閥 門 及 電 站 自 控 設 備 等 。

如果消息冇錯, 非常利好, 我一早已想投資東方鍋爐(600786), 只可惜是A 股.

東方鍋爐市場佔有率高達30%, 更有核能設備概念.

今朝趁反彈, 12.0 出左早兩日的撈底貨, 賺左7%, 如果再跌落11.5以下, 我會再入番d

Monday, February 20, 2006

另類資源

如果有買基金, 千萬不要錯過拉丁美洲...尤其金磚四國的巴西!

港股方面, 大成生化(809)可以留意, 玉米, 糖, 乙醇等....都同佢有關係

呢d 只係資料上的分享....千萬唔好當成投資建議, 唔該唔該.....

轉載自信報曹仁超<<投資者日記>>

風水輪流轉,十八年河東、十八年河西。2000年起資源股開始起步,去年起農產品股亦開步走,估計今年資源股進入中期調整,但農產品股前途仍良好。全世界政府都在鼓勵多用生物燃料(biofuels),減少對礦物燃料(fossil fuels)依賴。除原油價高企外,環保因素亦好重要,尤其係產生溫室效應(例如美國呢個冬天不太冷!)。甘蔗、玉米、棕櫚油、大豆油甚至動物脂肪都可作為燃料,減少對礦物燃料依賴。例如穀物收成後,過去禾稈草一把火燒掉去做肥料,但如將禾稈草處理,便可生產酒精,係100%唔染污環境的燃料。例如榨完糖之後蔗渣、木材中樹皮及碎木,都係製造酒精原料。James Rogers(1970年同索羅斯共同創立量子基金)今年1月10日話,如今仍然偏低投資項目是農產品期貨,例如玉米及大豆,今年我地注意力係咪應轉向農產品?!

Sunday, February 19, 2006

Google Group

A new Google Group for this blog was created. It functions like a newsgroup.

http://groups.google.com/group/stock2share

Welcome to join and share your idea.

Friday, February 17, 2006

大酒店(45)

終於突破8.7 的阻力, 成交配合, 致少試9.0, 3月目標9.5-10.0

1072 比DBS狂沽(GSI的沽盤?), 12.0 的量度升幅唔係亂計出黎架, 呢D 就係頭肩底的威力.

我又補番D貨, 上望12.0 走一個上落

IPO

市場快訊﹕天業節水計劃赴港上市集資2.60億港元 - 報導
2006年2月17日 - 13:00:39 HKT
Dow Jones Newswires

新股預告﹕上海上市公司新疆天業分拆出來的新疆天業節水灌溉計劃發行1.76億股H股﹐指導價介乎每股1.18-1.48港元﹐最多集資2.60億港元﹐這是《英文虎報》援引招股文件報導的。報導還稱﹐消息人士表示﹐指導價代表2004財年市盈率9.4-11.8倍﹔為滿足需求﹐還有15%的增售選擇權﹐即 2,640萬股股份。天業節水是為內地農民提供節水技術的最大供應商﹔報導援引消息人士指﹐招股反應料熱烈﹐因為內地節水灌溉系統有巨大潛力。報導援引消息人士指﹐保薦人新鴻基金融已邀請台灣KGI中信證券為聯合牽頭經辦行﹔計劃在2月27日在創業板上市。

Gold


金價果然比我估中, 係2月頭摸頂...

睇圖, 50 天線往往得到支持....次次都會反彈, 但如果今次跌穿呢?

Thursday, February 16, 2006

中資銀行

成個forum....個個講939 仲可以升到幾多, 一笑置之....

不過我留意到另一段報紙的新聞....建行會投入100 億改造IT系統及硬件.

如果四大行都做....咪成400億生意?! (估值就係咁估出黎)

因工作關係, 兩年前有機會去某四大銀行之一的總行做Training....得知聯想(992) 同神數(861)的市場佔有率好高! 尤其同呢四間行的關係.....

從財務分析出發, 861 的現金流好有問題, 資金壓力好大! 如果唔係因為咁, 加埋人民幣升值的槓桿, 我一定會買好多!

992 就仲要等多半年, 如果望住08 年的forcast.....又真係幾吸引! 但世事難料....尤其IT 業!

機場博覽館

就快開幕, 手中已有兩大皇牌:

1) 12月的電訊展
2) 明年9月的全球第三大航空展

有乜野投資機會?

1) 股東之一的禹銘投資(666), 我留意左好耐, 靜靜雞升左一排, 依家回調番, 係入市的機會! 唔知乜水? 聽過用一蚊私有化中巴未? 係佢諗出黎....都未聽過? 去過旺角中心未? 以前係佢的....都唔知乜水? 算吧啦.....Forget it!

2) 五星級酒店, 例如3月16 公佈業績的大酒店(45)!

唔怕禽流感咩?! 全世界都有的野.....d 人仲會好驚咩??
如果好似d 專家咁講, 要死幾億人......咁.....蝕錢都係應該o既!

中生(8247)

遲左兩個鐘打去拎貨, 冇晒.....唉....今次實走寶!!

<匯港通訊> 中國臨床診斷試劑及生化藥品製造商中生北控生物科技(8247)宣布,計劃在
創業板上市,詳情如下:

招股總數:3300萬股 H 股作配售(3000萬股為新 H 股,300萬股為轉換自內資股的出售 H 股)

招股價:2-3元

招股規模:6600-9900萬元

公司集資淨額:6200萬元(以2.5元中間價計算)

集資用途:3500萬元用於加強現有產品及研發新產品,1500萬元加強市場網絡,1000萬元用於
生產廠房的後繼建設,180萬元為一般營運資金。

05年預估備考全要攤薄市盈率:8.66-12.99倍

保薦人:軟庫高盛及博大資本

上市日期:2月27日

世界工廠的辛苦錢

《紐約時報》認為,以芭比娃娃為例,每個零售價二十美元,中國人獲得嘅只係三十五美仙加工費。又以電腦光碟為例,以「中國製造」標籤運往美國,但工廠卻係日本、南韓及美國公司共同投資,產品嚟自其他地方,只係喺深圳組裝出口。中國60%出口產品都係由外國公司控制;喺電腦部件及電子產品方面,外國公司喺出口上擁有控制權。中國喺經濟全球化中獲得只係加工費,好少佔所賺利潤。例如松下電器喺中國有七萬員工,南韓三星物產喺中國亦有五萬員工;中國工人能賺取嘅只係每小時七十五美仙嘅工資。

Wednesday, February 15, 2006

Google

I believe....the first 3G killer application will be provided by Google....let's see

Vodafone夥Google向用戶提供搜索服務

Google歐洲業務副總裁Nikesh Ahora指, Google將提供適合手機顯示的搜索結果; 該公司同時認為, 在手機市場提供搜索服務的時機已經成熟。

Vodafone策略發展總監Alan Harper並稱, 與Google合作將為該公司提供更多發展機會。

東方電機(1072)

不愧為我隻愛股, 最高造$12.85, 好彩我仲有一半重貨係手

睇番最新港交所的通告, INVESCO景順係12.0 左右買左3千幾萬.....2%的H股! 唔怕摸頂? 亦或仲有大把水位升?!

諗番轉頭....當日GSI竟然可以係6.0 減持.......呢個世界就係乜人都有, 唔好死跟大戶呀!

安寧(128)

以下的聲明好Tricky...似乎暗示真有此意...待回落後不妨小注, 一日未落實, 即係仲有機會比人舞高弄低!
Buy on rumor, sell on fact!!

財經消息 安寧(0128)發聲明未收到華懋注資建議書 股價倍升後收窄
<匯港通訊> 有多份報章報導安寧數碼(0128)將獲主要股東華懋集團注入資產,並成為華
懋的上市旗艦,惟安寧今天應聯交所要求發聲明,公司並未從主要股東收到任何注資的建議
書。

新股(玖龍紙業)

介紹

依家孖展太高息, 抽唔過, 10-12倍PE 又好難講高定低...用黃表現金抽三兩手囉!

Tuesday, February 14, 2006

追隨趨勢

轉載自信報曹仁超<<投資者日記>>

2000年至今投資藍籌股再難產生百萬富翁(如果你只有三幾萬資本);反之,衍生工具、二線股市場起碼有機會,因為隨時可升200%。致富之道在於追求高增長,例如2003年4月至10月,六個月內唔少衍生股權升值200%;2004年唔少資源股升值200%;2005年貴重金屬股升幅亦好大。玩二線股同衍生工具必須嚴守止蝕,但有機會由幾萬元身家變成一百萬元,方法係追隨趨勢。

  不同時段有不同投資策略。今天我老曹投資策略係以穩陣為主,因為年紀大,輸唔起;反之,如果只有三幾萬元,加上年輕有為,投資策略自然應該博到盡,唔承擔高風險何來高回報?唔少人第一桶金皆來自炒賣二線股而非投資藍籌股(今天唔少藍籌股在七十年代、八十年代甚至九十年代仍然係二線股)!中國已富起來,未來唔少二線城市將變成大城市,你有冇眼光分析到哪些二線城市將變成大城市?有便不妨投資這些鄉鎮房地產。例如天津、武漢、重慶等,相信前景秀麗!股票亦一樣,哪些國企、紅籌股可快高長大?就要考眼光。香港公司應該長大者已長大,留下的二線公司長大機會唔大。今天以小資本發財唔係去創業而係投資優質二線股或內地優質二線城市,例如環渤海、中國中部同西部正向大家招手。七十年代本報指出英資企業光輝不再,華資企業將取而代之;八十年代最佳投資係回國開廠;九十年代在港炒樓可以發達;1997年後宜胸懷祖國放眼世界;2002年起睇好資源股同黃金。時代不斷在變,順勢者昌、逆勢者亡。錢往往向「多」的地方流,工作卻向「低」的地方去;哪裏工資低,工作便流向哪裏;邊個有錢,反而最易賺錢!如果你冇錢,便愈難賺錢。

建行(939)

我真係買唔落手....亦唔建議買, 錢大把機會搵, 唔一定要玩音樂椅遊戲

4倍P/B + 壞賬的風險...

Google

第一次買美股!

買左10 股GOOG, 終於跌到裂口支持位

仲有一個支持係300, 到時再買第二注!

我真係好鐘意GOOGLE....我會長楂!


<匯港通訊> 財經雜誌《巴隆氏》唱淡 Google,指 Google 將會面對微軟(4338)、雅虎
等對手越來越大的競爭壓力。

此外,Google 的廣告業務存在漏洞,讓客戶有機可乘詐騙 Google。若這些風險導致 Google
今年的營業收入較分析員的預測低20%,Google 的股價便有可能從上周五收市的362.61美元
下挫至188美元,下跌幅度達48%。

受消息影響,Google 股價昨晚下跌4.7%,收報345.7美元。

Monday, February 13, 2006

太陽能

未來十年, 太陽能產業會發展得一日千里

1) 無錫尚德太陽能(SUNTECH)在NASDAQ(STP) 首日升41%

2) 以高盛為首的競購團可能最終競得天威英利新能源有限公司25%的股權. (詳情)

3) "硅片" 的期貨長線會是極佳的投資 (有冇人識?? 到底有冇硅的期貨?)

香港股票唯一有太陽能概念的係 御泰國際(155), 成交配合, 但真係睇唔通...

ps:等我再check 下有冇相關的stock 先
硅材料研究小組

新能源網

尚德電力

未來新股

全部配售, 冇公開招股, 我會試下拎唔拎到貨...

本报讯 中生北控生物科技股份有限公司近日获准赴香港创业板发行3795万股境外上市外资股。
  中国证监会近日发出批复,同意中生北控生物科技公司发行不超过3795万股境外上市外资股(含超额配售495万股),每股面值人民币1元。本次发行的股份全部为普通股,其中公司发行不超过3450万股新股,国有股股东出售不超过345万股存量股份。公司发行的新股与国有股股东出售的存量股份均为境外上市外资股。

太平洋恩利(1174)

沽空高達6百多萬, 佔總成交28%

可能來自星交所的arbitrage (買恩利控股, 中漁, 沽1174)

從基本因素出發, 睇唔到有咩負面野...

Sunday, February 12, 2006

對與錯

分析沒有絶對的"對"與"錯", 市場及時間自然會話你知一切的答案...

最關鍵都係分析本身係唔係由"基本"出發...

-- = + (分析錯 + 市場錯 = 升)
++ = + (分析對 + 市場對 = 升)
+- = - (分析對 + 市場錯 = 跌)
-+ = - (分析錯 + 市場對 = 跌)

自作聰明的三流分析, 加上股價升, 往往以為自己的分析正確...但.......原來係個市場錯!

分析得o岩, 但股價跌, 住往是千載難逢的發達機會...

好複雜?! 係......請慢慢細會....

Saturday, February 11, 2006

H 股狂想曲



星期一會好忙....換馬及增持大行動!

好遺憾自己預計到全流股H股可以被納入HSI, 但乜都冇做....(其實係估唔到進展會咁快), 好佩服推高H股熱錢的VISION!

以好學術的角度分析建行(939)...走寶! 好失敗...but...it's a lesson learn!

日後H 股入HSI 的次序:
1) 建行(939)
2) 中石化(386) -- 私有化子公司後, A 股可進行股改
3) 中石油(857) -- 待A 股IPO 重開
4) 神華(1088) -- 待A 股IPO 重開, 本來就準備A+H 的....
5) 中鋁(2600) -- 待A 股IPO 重開, 鋁價機會上已跟國際接軌, 中鋁有70%的市場佔有率!

無敵組合: 2800, 2828, 939, 386, 857, 2600, 1088

如果你對以上巨型國企的認識唔深又或者仍然對中資股有戒心....我只可以話....不識時務!

H 股獲准入恆指

唔使諗.....盈富買硬! 有H 股入選, 何止萬八?!

以建行的成交及市值, 8月必入恆指, 四隻都十分吸引! 857, 386......不得了!香港的地產, 銀行及工商股肯定有沽壓!

另外, 我睇好中鋁(2600), 稍後會再詳細少少分析....

《經濟通專訊》恆指服務公司董事兼總經理關永盛於記者會表示,建設銀行(0939)、
鞍鋼新軋鋼(0347)、中興通訊(0763)及中海發展(1138)四家H股公司,目前
已合資格獲考慮納入恆指成份股。
  他指出,在考慮市場人士意見,及諮詢指數顧問委員會後,恆指服務公司決定以H股形式於
本港上市的中國企業,如符合以下其中一種情況,將合資格獲考慮納入恆生指數成份股,考慮因
素包括該H股公司股本是以全H股形式在本港上市;第二是該H股公司已完成整個股權分置改革
,並且沒有非上市股本,或新上市H股公司沒有非上市股本。
  被問及倘加入建行,會否調整金融類別股份比重,關氏稱,現階段未有計劃改變恆指編算方
式,若符合以上條件的H股公司,預計可於今年8月底前恆生指數檢討中,獲列入恆生指數成份
股的候選名單。至於H股公司在恆生指數編算中的處理方式,仍有待進一步公布。(bi)

要發財便往天津走

轉載自信報曹仁超<<投資者日記>>

中國經濟發展第一波,1980年以深圳為核心;珠江三角洲面積四萬一千六百平方公里,人口二千零六十五萬,為後勤基地。經過二十五年發展,城市化水平已達50%,GDP達二千八百五十億元人民幣。第二波1990年以浦東為核心,上海為龍頭,利用長三角做後勤基地,人口七千五百萬,經過十五年發展,城市化達45%。第三波以天津為龍頭,環渤海為後勤基地,人口三千三百九十五萬,土地面積五萬二千六百三十五點八平方公里,並向中國中部、西部推進。深圳最先面臨產業結構升級,今天深圳已由一個三萬多人嘅漁村,變成人口一千二百萬人嘅大都會,將來走嘅路恐怕同1997年後香港接近,即財富漸集中喺20%人口手中。反之,天津環渤海一帶正在走珠三角、長三角過去走過嘅老路,成為生產設施及投資吸引地,成為中國經濟第三個引擎。天津一帶面積二千二百七十平方公里,大約等於兩個香港咁大,常住人口只有一百三十五萬,海岸線一百五十三公里。天津係老城區需要現代化,過去十年基建方面已大量投資,去年起動及糾正中國經濟南高北低、東快西慢嘅態勢,拉動整個華北地區發展。今天要發財便往天津走;反之,深圳全力向第三產業推進。

Friday, February 10, 2006

東方電機(1072)



A 股再創新高, 收報15.6, 相信買盤來由QFII.
週線圖突破W 型走勢, 量度升幅為19.0 左右.

H 股受制高盛及大摩的沽盤, 買盤以UBS 為主(UBS 有頗大的QFII 額度...)
由於H 股沒有股改的補償, 以25% 折讓計算, 目標價可高達14.0 (跟07 年10倍PE 估值接近)

兩個月上升五成, 我已銷定一半利潤, 其餘再放長線

MPF

昨日為止, 一年的MPF回報竟超過32%, 因為我上年加大左日本及大中華基金的比例

我最新的組合已剔除日本, 香港股票基金竟然有10% 中移動, 令我非常不安, 其餘揀無可揀下增加左亞洲基金的比重 (因為有SAMSUNG 及台積電)

唔怪得領會(823)升不停, 10 個MPF的基金, 七個都有領會(823), 仲要個比重都唔低喎...

Thursday, February 09, 2006

股神

轉載自信報曹仁超<<投資者日記>>

畢非德1930年出生,經歷大蕭條,今天擁有四百億美元身家。索羅斯同年出生,更受第二次世界大戰希特拉逼害,但今天擁有七十二億美元身家。伊坎(Carl Icahn)1936年出生,一度破產,今天有八十五億美元身家……。三大巨富有以下共同特性。

  一、唔分散投資,集中所有力量少數自己識項目上。集中、專注、扣準乃成功之道:Jack of all trade, master of none!經常轉工人通常冇成就,只有肯花大半生一個行業上,成為此行業專門人才,才有出色表現。以畢非德巴郡為例,投資集中四隻股份:美國運通;可口可樂;富國銀行;吉列刀片(最近被寶潔收購),近年更減持富國,但仍係美國運通最大股東,佔12%;亦係可口可樂最大股東,佔8%。

  二、評估風險,其中以索羅斯為最。1992年佢拋空一百億美元英鎊時計過,最大損失只係四億美元,正式四撥千斤。

  三、獨立思考。當畢非德1973年2月開始吸納《華盛頓郵報》時,連華爾街分析員都睇到呢間值四億美元公司只售八千萬美元,但認為美股進入熊市不宜沾手。當伊坎購買Tappan每股七點五美元,當年每股資產淨值二十美元;佢又以每股七點八九美元購入Baird and Warner,每股資產淨值十四美元,亦係因股市回落,分析員唔建議買入。畢非德與伊坎認為,只要公司好,何須理會牛熊市?於是趁熊市大量吸納,最後獲得巨大財富。很多人太注重短線,結果賺大錢必係中長線而非短線炒家。

太平洋恩利(1174)

旗下子公司業績比預期好, 現價加碼...冇目標價

財經消息 恩利控股06年度首三季純利1.13億元 增長68.6%
<匯港通訊> 太平洋恩利(1174)宣布,旗下星洲上市的恩利控股截至去年底止的06年度首三季
除稅後溢利為1.633億元,增長126.7%。股東應佔溢利為1.132億元,上升68.6%。

而第三財季的稅後溢利為3490萬元,增長90.3%。股東應佔溢利為2588.1萬元,上升50.6%。

New
*DBS將China Fishery評級從買進上調至強烈建議買進

Wednesday, February 08, 2006

日股

大摩以羅奇為首的分析報告, 把日股比例調低, 日經低收2%, 我信相日股已經短期見頂.

以環球股市來說, 最看好台灣, 中國及巴西

我會從MFP把日股剔除

東方電機(1072)

A股收報14.92, 升6.5%, 即市已創上市新高

H股現價折讓23%, 維持頭肩底量度升幅12.0 的目標價, 長線睇14.0 (07年EPS:1.4, PE:X10)

今日已經開始分段獲利

期油雙頂, 金價回落

油價回落3%, 70美元已形成雙頂!

買中石油(857)並非主要因為油價, 而係佢係中國的影響力及高度壟斷性.

金價亦急挫2%, 先睇520...

Tuesday, February 07, 2006

Under Valued Stock

路勁 (1098)
頗冷門的公路股, 成交少, 估值低自然有佢的原因

NAV 高達8.5, 現價折讓3成, 股息吸引, 近年開始發展地產業務, 土地儲備160萬平方米, 去年投資期, 現金流為負, 今年可收回3 億現金.

數據就夠吸引啦, 不過如果買左佢, 可能要付出頗重的機會成本! 成年的波幅都可以好窄....

從現金流入手

我分析股票, 非常著重現金流, 因為P&L 只係會計手法得出黎的數據, 但卻支配住一個好常用的PE RATIO...只有利用現金流, 才能反映一間公司的價值.

今日睇一睇壹週(282)的報表, 發現自己走寶(都係怪自己懶), 現金流超強! 流動比率接近3, 台灣的業務信相會會帶動未來兩年的盈利增張, 好一隻現金牛, 未來兩年的派息會十分槺概! 現價合理, 但希望係4 蚊樓下買到, 5% 的股息回報及20%的上升目標.

長線投資

長線投資如烹鮑魚 -- 轉載自信報曹仁超<<投資者日記>>

  當你決定投資或只係炒賣一隻股份前,首先決定要投入幾多資金,你對自己決定信心有幾大?無論承擔風險能力及財政狀況,所有分析員都唔可以為你作上述決定,因為分析員對象係廣大群眾,而非為你度身訂造,所以只能提供大市展望甚至個別股份推介,至於如何處理,完全係個人決定;千萬不可缸瓦佬打老虎(盡地一煲)!投資涉及兩點十分重要:一、when to buy(何時買入);when to wait(何時耐心等候)。例如2002、03年吸納天然資源股、能源股、金屬股,當時形勢仍未明朗,市場極之反覆;反之,去年形勢明朗時,股價已進入偏高期,往往出現中期調整,追入後可能立即有短期損失。今年中央政府「十一.五」規劃打算壓抑天然資源、能源、金屬等需求,但市場至今似乎冇反應,到底應該買抑或應該等?通常入市時機係一隻股份完成整固期或出現突破時,呢方面需要耐心等候;二、不要恐慌,每次恐慌拋售或高價買入後,往往成為別人入市或獲利 時機;任何時刻都不能情緒化,嚴格遵守自己預先制訂策略,無論你係長線投資者、中線投機者或短線炒家,都應遵守自己策略。例如長線投資者便唔使關注短期波幅;如果你係中線投機者,股票買入後通常一年半載甚至更長,但須嚴守止蝕唔止賺,十單中五單賺、五單蝕,利潤已不俗(因賺錢係本金50%或以上,蝕本局限本金15%)。至於做炒家必須專業,如果連長、中、短策略都混亂,又點會賺到錢?煎雞蛋要手快,煎牛扒要技巧,整鮑魚要耐性……。

Monday, February 06, 2006

國企強勢

國企
真係估唔到又衝番上黎, 資金市, 都係唔好用咁多技術分析啦...
4484 平手離場, 觀望多一兩日

電盈
美林唱好電盈, 如破5.45, 下一站在6.0

富士高
David Webb 一增持就開車, 我又再度增持, 但預左架車又會停番一輪, 機會成本唔輕架!

粵投
JP Morgan 依家先黎唱好, 同UBS 的目標價一樣係4.0, 遲唔遲D呀...UBS的張化橋一年半前已經指出佢被嚴重低估, 兩蚊已經入晒貨啦喎! 聽聞黎排UBS 勁幫佢做Roadshow...可能有下文...

東機
走勢大好, 12.0 並非天荒夜談

Sunday, February 05, 2006

宜進利

點解我鐘意呢間公司:

1) Business Model--由OEM 業務是供穩定現金流去發展分銷及零售 (正如長實/港燈, 恆基/煤汽的關係)
2) 由CEPA 開始, 管理層已經積極研究開拓大陸的先機
3) 財務穩健, 負債比率, 現金流, 派息一向非常穩定
4) 未有基金大手持有, 提供了相當大的上升空間
5) 近期的配售反映左管理層對未來的發展非常樂觀 (變相的注資)
6) 早年於歐洲收購品牌, 整合得不俗, 顯示了管理層的實力
7) 股價被低估時, 集團會作出回購, 顯示了著重股東的利益

Potential Stock

太平洋恩利(1174)
1. 禽流感影響下的受益者
2. 青島的加工廠下半年投產, 可以帶動毛利
3. 中漁於星交所上市, 除了有特殊收益, 負債比率亦可以降致較合理的55%
4. valuePartner 最近增持

風險: 行政及財務開支頗大, 負債又重

Blogger 的詳細研究

本港零售股
1. 近期零售業保持暢旺
2. 現價已充份反映租金上漲的負面影響
3. 旅客持續上升 (睇下disneyland 就知)
4. 非常落後, 國企及恆指見頂後, 可能成為游資的炒作對象
5. 大部份的股息都頗吸引
6. 592, 178, 113, 709, 653, 398...

風險: 禽流感

富爸爸

1) 不要為錢而工作, 要錢為我們工作
唔係叫我地唔做野! 唔好搞錯...請用心領會


2) 搞清楚咩係負債及咩係資產
負債並非壞事, 請搞清楚現金流向

Friday, February 03, 2006

國企見頂?!

多隻國企出現見頂訊號

非常利淡的單日轉向及穿頭破腳: 857,347,358, 2600, 2899......

係時候開國企put 4484, 睇晒成個二月

1133 有1/3 成交是沽空, 高位十字星, 亦利淡, 1072 長線目標仍在12 , 但安全起見可以減持部份

1088 仍然好, 但要防被其他國企下跌拖累

內需概念都要廣告配合先得, 值得留意大陸廣告股....但質素太參差, 大賀(8243)本來唔差, 市場佔有率都幾高, 但張Balance Sheet 有缺點, 財訊(205)透明度又太低, 北青(1000) 又有造數的紀錄, 得番隻勤+綠(2366)可以安心咁買, 但隻野又唔當炒.......我會用8243 + 2366 的組合先, 8243 未來有機會升1倍!

205 等我再睇清楚佢份年報先!

Thursday, February 02, 2006

Cheer~~

中國新聞 比利時英博提前至今年完成收購福建雪津 增持珠啤至逾25%
<匯港通訊> 比利時英博集團亞太區總裁韋理斯表示,該公司收購福建省最大啤酒企業
雪津100%的股權已完成一半,該公司已成功收購國有股東手持的39.48%的權益,並且與非國
有股東亦達成的最新協議,因此收購雪津全部股權的計劃,可望從原訂的2007年底提前至今
年內完成。

他表示,雪津已成為英博全球5大銷售品牌之一,未來會培養雪津成為中高檔定位的主力品
牌。

英博早前宣布,以高達58.86億元人民幣收購雪津100%股權。英博宣布收購雪津前幾天,便
以1.2億元人民幣增資珠江啤酒,令持有珠啤的股權首次超過25%。韋理斯表示,若有合適目
標,將繼續在中國提出收購。

雪津是福建省著名的啤酒企業,2004年在福建省的市場佔有率約為45%,在江西省的市場佔
有率約為18%。

金價年內660 美元?

似乎全人類都睇好金價, 但我最鐘意同全世界作對, 我睇淡! 如果美息再keep 住升, 金價必然大跌!

如果最終得5% 的人可以羸錢, 我希望係其中一個!

本來想沽空2899, 但竟然全日20億沽空都冇佢份!! 好奇怪!! 莫非仲有得升?!

升市莫估頂, 相反理論真係唔可以亂用.....

o岩o岩搵到個啤酒的sector, 以為掂啦, 點知貨都未收齊就比人推左上去...唉! 真係搵食難! anyway, 我都入左124 同392, 走一個中線

講番MSCI, 我再查番D紀錄, 應該下星期先會出REVIEW! 神華(1088) 仍然抵買! CALL 輪9572 已經食得好應, 再跌番D, 我會再入!

Wednesday, February 01, 2006

種瓜得瓜

呢個世界係冇免費的午餐, 種瓜得瓜, 種豆得豆!

一味想搵快錢的話, 呢頭賺粒糖, 早晚輸間廠!

凡事都要由基本出發, 咩叫基本? 咩叫基本分析? 好悶? 唔明?

唉!!

##HIDEME##