港股

以住我只會集中研究大陸及香港股票, 近日閞始研究樓市及基金, 睇的野遠左好多, 闊左好多

忽然間, 我覺得自己個profolio 仲有好多野可以執下

以住對基金有少少反感, 因為怕左d 雜費, 但近日開始有d 改觀....點解....遲d 再詳談

近排, 好多人問我買乜好, 例如我介紹5 隻, 可能佢地只係買到2 隻, 仲要係唔升的.......買唔到的升到停唔到, 結果......大市升, 朋友冇錢賺, 好難搞

最怕就係一d 平時唔炒股的人問我有咩短線的機會......嘩.....真係好難搞, 風險, 投資額, 預期回報, 耐性, 對股票的認識, 對我的信任程度.....我乜都唔知.....我仲驚過你! 可以做的只係將自己的短炒目標一齊share 下.....

講番樓市, 我smell 到個投資機會, 過完年可能會黎一個陽春, 升10% 一d 都唔出奇! 基於以下幾點:
1) 今年好多人真係有人工/花紅加 (連最孤寒的舊公司都加薪20-60%)
2) 股市大升, 零售暢旺, 財富效應非常明顯
3) 今年雙春兼潤月, 報紙話會有5 萬對新人, 至少四份一變成樓市的動力
4) 憧憬息口見頂 (個人覺得有點兒....)

諗過短炒一個將軍澳的上車盤, 如果連租約, 樓價升10%, 總回報可以有30%. 但我未買過樓, 乜都唔識, 都幾驚!

講番港股, 從一個資金流向的角度分析......仲有排升! 舊年港股跑輸亞洲股市幾十個%......今年d 錢仲唔勁流入黎?! 中國GDP 增張同區最勁, 加埋人民幣升值, 大型國企IPO....好明顯D 錢已經不停流入, 泊晒係香港, Q1-Q2 可以放心咁炒! 大型股會跑贏細價股!

我會再加大MPF 港股的比例及短線炒神華(1088)入MSCI