投資心法重溫

• 認識估值(Valuation)
• 炒股不炒市(牛熊共舞)
• 不畏怕負債
• 重視現金流
• 重視核心兢爭力
• 以經營及持有的心態去投資
• 遠離噪音

投資老生常談

1) 無招勝有招, 手中無劍, 心中有劍
2) 好的野, 一隻就夠
3) 揀股唔揀市
4) 90%人估錯市, 富人永遠只有5%

投資哲學

摘自明報財經專欄 - 李順威

我涉獵美股之初只懂得一些大公司的名字，然後又被光芒燦爛的科技股所吸引，當時有一個很大的誤解，以為工業公司業務簡單老舊，增長緩慢，豈是投資之選。隨著認識的深化才知道自己大錯特錯，遂發憤鑽研，之後真是眼界大開，獲益良多。獲益之處有二，一在於投資選擇驟然擴大，而且其工業股相對穩定及往往行業內的競爭不大，只有三四間大公司壟斷經營，只要找對商業周期，有關股份的走勢總是大漲小回，比較少出現大跌幅。其二在於透過研究及了解不同經濟環節的工業公司，有助我把握美國和世界經濟的脈搏，這是由下而上的微觀研究，箇中經驗使我看穿不少空洞的宏觀經濟預測。好像有些工業公司的訂單已排到2009年，它們的問題是求過於供--總而言之，不要給泛論的經濟標題或一刀切的股評蒙蓋了多樣化的世界和股市。

風險與回報

摘錄自"投資者日記"--曹仁超

好多人唔明白風險與回報 關係。其實，人生最大風險係：一、結婚；二、買樓；三、自己做生意。反之，風險最細係揀股，因為揀錯股份後損失15％可以止蝕賣出去，損失受局限。反之，買樓時做錯決定（由於大部分收入作供樓），再將它賣出去可以損失慘重，而結錯婚更加係一生一世。但大部分人唔視結婚為高風險行為，亦唔認為買樓涉及很大風險；反之，投資股票卻視為高風險，真是奇哉怪也！其實，只要事前做足功課，投資股票絕對係低風險項目，起碼較結婚、買樓或自己做生意風險低許多。


投資股票最冇用係睇走勢，最有用係先了解行業周期。如果連一個行業周期都唔了解而貿然投資，又怪得誰？例如1997年至2003年投資地產股，連呢六年本港房地產進入行業周期低潮都唔知，成績又點會好。例如2001年至2006年投資資源股，成績差極有個譜。走勢只對短期股價有影響，對長期分析往往幫倒忙（幾多人因為RSI高而賣出廣船〔317〕，事後發現股價再升十倍？），做一位成功投資者必須學習價值投資法。我老曹同森池兄都係價值投資法信徒，明白乜 係價值投資法後，再利用走勢去配合。冇價值投資法做基礎，只識走勢分析有如花拳秀腿（睇得唔打得）。了解一個行業盛衰周期後，必須學習睇上市公司年報，由一個小股東角度去了解上市公司做緊乜？最後才係學睇走勢。目前大部分人只懂走勢，唔識財務分析，更加唔知行業周期。至於風險管理更係一塌糊塗，例如啤打系數（Beta）係乜？許多散戶聽都未聽過，點賺到大錢？今時唔同往日，股票市場愈來愈細分工，如非深入了解者小心求證，賺錢機會有幾大？

投資哲學 (摘自<<信報>>曹仁超)

建立投資策略非常重要。技術分析準確度只有55％（如加入買賣費用，懂走勢同唔懂走勢嘅投資者成績冇分別）。真正有用嘅係趨勢唔係走勢。例如：

一、遠見（Vision）。簡單例子，1967年美國人收入係港人五十倍，未來應睇好美國還是香港？1978年香港人收入係中國人五十倍，到咗2007年港人收入仍係內地人五到十倍（視不同行業而定），你點睇中港經濟？

二、才能（Talents）。好多人以為係天賜，其實可以自行發展。甲、乙兩人，甲每天花一小時睇《信報》，乙每天花一小時睇其他報紙嘅八卦新聞，十年後誰跑出？甲還是乙？二十年後誰較富有？甲還是乙？三十年後誰生活無憂？甲還是乙？

三、創意（Creative）。甲性格係事事關心，世界上發生任何事佢都關心，包括近期台灣富商與女明星關係、小甜甜爭產案、徐步高殺人事件……。乙卻專注在本業、學習本業技巧及理財之道，將過去嘅失敗例子銘記於心，最後熟能生巧，在投資上發揮自己創意……。十年二十年後，甲乙兩人誰跑出？

四、持久力。一個牛市短則三年、一般五年、長則七年；面對自己睇好嘅股票上升便忙於止賺，卻不肯由頭揸到尾，忘記「止蝕唔止賺」嘅格言。過去有幾多人買入好股後，因太早沽出而錯過賺大錢機會？

五、抉擇。面對虧損，能否果斷地、堅決地執行止蝕？面對環境改變，有冇糾正自己從前的錯誤決定？以上五點決定你係邊一類人（一贏、二平、七輸錢）。

投資哲學

新的一年, 重溫一下投資十誡 (曹仁超- Wikipedia)


群眾常犯十大錯誤：


一、聽信謠傳而不信分析。

二、明明唔知道卻一味靠估。

三、追隨群眾成為其中一分子。

四、冇耐性。

五、貪念太多、智慧太少。

六、利用太少孖展資金去炒賣。

七、明知睇錯唔肯止蝕。

八、永遠唔肯離開市場（磨爛蓆）。

九、止賺唔止蝕。

十、過分相信「大戶」眼光