泡沬及財技
百麗(1880)市值竟然高達650億, 簡直係天文數字...早幾年咁的市值已經可以入恆指!
唔知有幾誇?...或者睇下聯想(992)及電盈(8)都只係300幾億, 北控(392)加埋上實(363)都只係370億...
大摩繼蒙牛後的另一傑作!
鞋唔同奶, 兢爭大好多, 而且門檻不高, 市佔率好難再大幅提升
雖然有機會入MSCI, 但我仍然比佢一個『沽售』的評級...
但點都唔夠蒙古能源(276), 前身為新世界數碼, 市值唔該....200億!! 高盛剛剛宣佈持有13%, 還未計明天的勁升...
新世界發展(17)都只係值700億咁大把...所以呢...有股市的地方就會有泡沬!
大陸股市比人話係泡沬, 係香港, 可能應該叫財技多D!
9 comments:
依隻可能係我見過最好的retail, 不過真係太貴, 買唔落
唔知點解當小弟見到隻"康師傅"市值都 5百幾億, PE 4X 倍, D 大行都係話大市同步....相對o黎講, 小弟要百麗好過...其實依家有咩大陸零售股唔係 4X 倍 PE? (有都唔敢買...)最低限度依類股唔會被中央打壓, 好似 D 鋼股咁, 突然加出口 tax, 咪又係做得幾好都無用...著o左李寧真係識飛咩, 咪又係超貴...
可以選擇不買, 買Espirt好過啦....
說實話, 小弟有兩手 IPO + D D 手痕貨. #330 當然係得，但係仲未到心中價唧...依家最想買既係中移動...當然阿會計仔兄品評既鞍鋼都係理想投資對像, Wing 兄既強力推介又幾好...但係一句講哂，冇錢. 同時又要有超高耐性，講真小弟冇咁多...
唔知金利來 told 唔 told 到 d 大陸零售的光 :P
你睇埋打既鋼種, 就知唔關我事, 香港的分析只當然唔會睇得明, 但會在interim results 中反映.
徐老闆話外國開個全新既礦到投產要8-9年...
雖然百麗擁有自己品牌，不過見到210同3322嘅「下場」，都令人卻步啦．
小弟唔係好想係人地個 blog 答野...又要搵返小弟以前睇個 D 野, 幾難搞...
sorry Wing 兄又借借個 blog o黎...
先睇兩條 link 先:
http://info.china.alibaba.com/news/detail/v3000103-d6112585.html
http://big5.xinhuanet.com/gate/big5/news.xinhuanet.com/life/2007-05/22/content_6134728.htm
又 grep 下 "百麗" 大陸 D trend bbs...
PS: 依 D 全部唔係咩大行既吹水說話
你諗下, 因為要"承擔滯銷"依個風險將一對名牌女裝鞋既生產成本變成幾個開, 依家百麗一間本來只係制造名牌女裝鞋既生產商改變成一條龍生產零售...o個個"承擔滯銷"既風險一下子可以減低幾多, 又毛利率之驚人改變又可以增加幾多...
仲有, 我地依 D 成日諗 cost, gross profit 既根本唔會明 D 消費狂o係度
諗咩...內地人越有錢, 佢地既比例會
越o黎越多, 名牌"比較心"會越o黎越重...只要個牌子唔好搞到 cheap 哂
就 ok...
係, 個故仔係小弟作, 但係依個小弟覺得就算依家蝕緊錢, 都係賭得過, 除非佢地真係唔識做零售生意又唔識利用科技幫佢地選擇生產...將來真係個故仔唔得, 最低限度小弟係有功課, 輸都低...雖然小弟無咁多錢買得多...
Post a Comment