林 森 池
Very Impressive...
e 線 金 融 網
金 錢 本 色 嘉 賓 : 林 森 池
幾個重點:
1) 惜日香港的藍籌股已失去投資價值(相對於國企), 每逢高位就有沽壓, 非套現, 而係換馬至國企。叫人買長實、和黃的, 可算係九流的分析員, 過去兩年...和黃高價出售中國P&G, 港口業務及印度電訊股權, 股價都未有大反應, 除非係出售加拿大的石油, 否則睇唔到有任何大升的機會。至於地產...麵粉都咁貴, 毛利率只有下跌的風險!
2) PE....平野無好野, 好野唔會平! 當然, 市場中一定有被低估的股份, 有能力捉到可以由低PE 變為高PE的股, 當然可以致富, 但如果只會買低PE 的股, 就等於只會買質素平庸的股!
3) 對於大型的熱門股, 市場其實係好理性及非常專業的!
4) 賺錢之餘亦要有慈善的心...
5) Raw Data 週圍都有, 最重要係Interpretation!
6) 能夠成為第4隻"千里馬", "級數"一定要有番咁上下, 我估招商銀行, 中石化及神華! 以招銀機會較大, 但弱點係未夠壟斷, 石化股的毛利率一向偏低, 而且週期性極大, 又不太合大師的選股條件, 神華亦有週期性的風險及未夠壟斷, 無論如何7月14日自有分曉...
30 comments:
和黃(13)淨係摺左檔"3G"，巳經起碼值$100。
麵粉都咁貴, 毛利率只有下跌的風險 --> 所以要搵D係大陸有唔少"Land Bank"既大型地產股。
第2個Point同第3個Point好岩，兵貴乎精。市場一般都唔蠢，最多係短視同驚青D。
仁者無敵，仲要多份氣度....
第6個Point --> Wing兄好似好想林大師認同咁wor...哈哈。其實，千里馬點止淨係大陸股票呢??
講起和黃3g
和黃的3G, 肯定唔會摺, 李+x 根本唔係為賺錢, 係為啖氣
新的3G是什麼客? 就是$78/2000 min + 50 min promotional video min 果d, 依d 咁既客都算, 根本就係只係數字遊戲將舊有2g profit shift 去3g
神華與眾不同之處在於它會從現在"煤企"的定位, 逐漸改變為國家的"超級綜合能源企業". 當然, 講緊既係母公司資產的注入. 它們包括更多的煤礦, 風力發電, 同埋最先進的煤轉油項目. 詳情請參考 "北京報道 21世紀經濟報道" 的 中國神華開列收購清單.
國家近日建立的煤炭期貨市場, 除了希望其價格由市場調節, 也是去迎接2008開始試行那煤轉油項目. 由於煤轉油的成本大約為35-40美元一桶石油制品, 在現在油價長期高企下是有利可圖的. 但當煤轉油大規模生產，將令對煤需求暴漲.
當然啦, 講緊既係將來式, 係projection. 但從國家既方向來向, 國企整體上市是必然的. 而超越國企回歸A股又會加快進行, 去令到A股有更多超級大藍籌 (e.g. 941, 857)同埋吸更多股民既游資. 這...又看似不遠.
對於第三點, 非常認同呢. 在H股的銀行板塊已表現出來呢.君不見除了招行長升長有外,其餘的價格表現真的... . 這當然是有充分的原因啦... .
神華煤轉油是母公司做的, USD35-40未計及水價、環保費的大漲, 還有華北越來越熱, 北京溫度破哂紀錄, 用黃河水既如意算盤未必打得響, 可能要用船運水, Baltic index 宜家已經好勁, 最好景既係運礦船, 如果仲要運埋水...
仲有神華煤轉油既直接液化法係將experiment 既scale 增加十萬倍, 我相信佢真係成功都會delay, 再加一段幾長的觀察期中央先會肯批新廠, 邊有可能咁順利
依個project short term 仍係概念野, 係對煤demand 有好實質既幫助
好想好想知道o係邊度羅飛...個 talk 實在太吸引...
非常認同大家的觀點!
另外, 『相對』中煤的估值, 神華簡值係超值...但『相對』歷史數據, 現價當然算貴!
好奇怪麥格理最新引述神華的管理層,"三年內確認唔會有重大注資", 我好質疑呢樣野OR只係玩文字遊戲『重大』、『注資』:
麥格理認為, 煤價調升屬正面消息, 但由於神華出口至日本的比例較低, 只佔總銷量3%, 加上人民幣升值及出口退稅取消抵銷部分影響, 估計輸日煤價上調對神華今年每股盈利的影響只有約1%。另一方面, 神華管理層確認, 未來3年內並無重大注資計劃。
ERIC,
我SENT 左EMAIL 去留飛, 唔知會唔會有...
不過相當值得一提的是,煤同煤轉油的seasonal effect 完全相反, Spring summer, 水源多,轉油易, 但天氣熱燃煤需求低, 有了煤轉油就唔駛gam 平gam 賤這兩季賣煤出街. 我對神華神早有興趣, 所以一早搵了好多資料
不過宜家的environmental rules 似係要將佢之前n 年的環保問題做好, 佢environmental costs 升咁多, 可能之係temporary, 當執哂手尾就會低番, 依半年可能都未執完.
神華係全國environmental 最好的煤企, 支持國家環保政稀的國企一定有國家幫助, 先苦後甜, 可能Q4 會同安仔一樣有大量環保退稅.
會計仔既research 真係有番咁上下!!! 其他果D煤企既環保investment 真係好少...想問大行果D 報告有無計呢個環保cost 落去中煤同兗煤架?...同埋想問邊隻係安仔?
安仔當然就係鞍綱啦!
謝謝 Wing 兄, 小弟也剛剛 send o左 email. 但係得個咁小位, 羅飛真係唔係幾樂觀...
之前老林話左第3隻係銀行股, 應該是工商or招商其中一隻. 第4隻無透露是什麼行業, 中石化, 中海油的機會大好多. 符合佢的市場專利, 佢在第一本對中石化, 中海油都係賺不絕口的. 或許是電厂, 華能, 大唐. 神華的機會都有的, 但唔多岩佢的胃口.
林sir都無分析長實和黃喎, 有冇聽錯呀? 長實和黃個part你自己諗咋?
唔好意思，想請教大家.
1. 林sir話人民弊升多20%, 港元相對貶值20%，咁係咪可港元資產都會貶值20% ? 咁又係咪唔應該買港樓自住呢 ? 如果層數升唔到2成，咁層樓咪即係縮水 ?
2. 千里馬係咪指 941, 2628, 5 ?
卓天兄, 林sir應該無匯豐係手. 目前只知有2628, 941, 中資一隻銀行股, 另一隻就不知道了.
樓價方面可以咁講唔夠2成就貶值, 如真的買樓自住, 樓價不用多理會.
多謝陳兄回應 ...
如果真係3968 + 386 就好啦 ^_^
港幣相對非美元貨幣貶值，即暗示有通漲壓力，一般來說，樓價同通漲係有關係。
長實、和黃果PART 當然係我自己諗啦...
3G好大機會係不智投資，管他李生條氣是否順。
如果自2001不投資3G，而將之投資大陸碼頭(#1199; #144)，買大陸地皮(#4; #12; #101)同時好似四叔咁買下股票，和黃(13):
1) 肯定少債好多
2) Cash Flow強好多，每年DPS提升
3) 市場較容易給予較高估值，就算李生高位Placement，都著數好多
"Opportunity Cost"角度來看，3G投資係不智。
2000年中國電信(941)升到$80，算不算好理性及非常專業？
Pang:
一般而言，並非永遠........
每個人的Interpretation 都唔同, 要搵Extreme Case, 一定大把!
何謂理性及專業?!....冇答案
嘻嘻，唔好話小弟冇貢獻:
http://icontact.winet.com/HKUGA/Event/EventDetail.aspx?cpid=20070527005942
Thanks Eric!
Hi
Has anyone here received feedback from RTHK regarding the talk?
No response at all, so I sent the request form to HKU directly.
RTHK's WaiWai is helpful.
She gave me this link:
www.hku.hk/daao/seminar
Hi Ted
Is RTHK's WaiWai still doing anything on the seat reservation?
Just called RTHK and confirmed my request on 3.6.2007 would not be entertained. Only certain lucky ones who jumped in on 1.6 will be notified.
Post a Comment