Tuesday, September 30, 2008

有效市場論

市場見底訊號頗強, 在壞消息盡出時, 價值顯現, 大量趁低吸納的買盤進場

如果金融市場仍然有效, 就讓市場去把問題解決....市場的力量有多大, 無人可以估計....

政府出手, 反而產生free-rider 問題....

以下全基於行業的週期分析, 不是從股價!!
內銀 - 盈利已見頂
煤炭 - 仍處於週期頂, 供求及結構性問題, 成本及資源稅是風險
內房 - 邊緣.....好難睇
內需 - 要小心估值高的股, 但長期受惠
設備 - 高增值的行業仍然受惠長期性的基建及工業化發展
出口 - 將失去大量訂單及受成本問題困擾

真正的資本市場

否決7000億救市, 真正的自由經濟, 真正的資本市場

有好有唔好, 兩睇啦! 反正方案本身都有問題...

就等市場自我調節, 考驗一下自由經濟的理論...

Thursday, September 25, 2008

東亞2

東亞報警及相信涉內鬼代表什麼?

代表公司的確係有內部問題, 不致於倒閉, 但問題亦唔簡單

事件可能由前排果單...員工炒輸輪繼而造數....所產生的風險管理問題

如果造謠只是單純令股價下跌而入貨, 不能解釋那麼多的沽空....

如果沽空是落井下石....似乎成本太大

雖知沽空乃專業行為....無知的市民只會走去排隊而非沽空....

點都好, 就算睇好銀行股, 點都未揀到東亞...

Wednesday, September 24, 2008

Facebook

facebook 的2.0 新版顯示出facebook強大的生命力, 因為它察覺到太多application 的問題, 舊版的時代, apps 已經到達喧賓奪主的地步, 版面混亂, 速度緩慢...

新版再次focus 在facebook 的"核心兢爭力", 人與人的溝通, wall, status update, comment 及photo 成為主力, web 2.0 的精髓仍然存在...

有人話facebook 好悶, 好無聊.......的而且確, 但你不能否定它存在的價值....
有人反對新版facebook....因為總有一班係隨性很強, 又不肯接受改變的人.....
有人唔用facebook....因為她們實在太有性格, 更加唔需要同朋友分享及溝通...

無可否忍, facebook 的名字已幾乎齊名於google, yahoo.....溶入大多數人的網上世界

東亞

香港的銀行系統十分穩建, HKMA 的監察亦十分到位, 出事的機率十分之小

美國金融風暴加上中國的毒奶....迷你債券, 人心虛怯

有心人放出消息, 制造謠言

我猜想, 是否有心人在進行某種測試.....

就算真的由擠提而產生信心危機, 去到最壞的打算.....你估中資銀行仲唔走出黎進行收購?
招行已出手收購永隆, 建行(亞洲)及工銀(亞洲)亦急於打開香港及海外市場....中銀(香港) 亦己手時大手的東亞股權...

Tuesday, September 23, 2008

變天2

經濟
1) 美國經濟衰退, 過去過度消費的模式會作出根本性的改變

2) 高通脹年代

3) 長期低PE 年代

4) 中國房地產....正在危險的邊緣

5) 銀行保險業更重視風險管理及資本充足比率, 意味盈利將會受損

政治
1) 次按及信貸危機打殘美國, 一個負債累累的"國際警察"再不能隨心所欲地執行"任務", 美國的強國地位將會不保....

2) 中國的影響力再次提高

3) 高油價養肥了俄羅斯.....一股新的力量

Saturday, September 20, 2008

變天

華府開始要徹底解決"次按"及"信貸"危機

我唔理環球股市點反彈, 但華府的"措施"最終會導致什麼結果? 值得深思....

印銀紙係必然的事, 亦必然會導致美匯下跌, 即全球一起共同承擔問題....把問題出口至全球....

美匯跌, 商品必然受惠, 但因為擔心全球經濟下滑, 需求下跌及政策性限制商品炒買的措施, 升幅會受限...

那麼....商品中, 那一類會直接受惠美匯下跌而需求又不會下滑呢? 值得深思...

金融危機後, 下一個最令人擔心的仍然係"通脹"這頭猛獸!

加息本來是一種阻止通脹的手段, 但.....銀根咁緊的情況下, 可以加嗎?

下一輪的結構性問題係, 美元大幅貶值, 高通脹, 低流動性....什麼最值得投資?

Friday, July 11, 2008

外遊前的update

長期唔update 呢個blog, 係因為市場太多noise, 太複雜, 太多因素.....根本冇可能作出正確分析, 冇信心不如唔好獻醜!

睇見有d 人由短炒慢慢步入正軌, 重分析及基本面, 但最後又打回原型......唉.....只有失望兩個字!

股評, 真的唔想寫太多, 原因很多, 但絶對不是我悲觀及負面的因素!

300 仍然是核心投資, 有d 大勢係點都唔改變的, 國產化及核心兢爭力! 呢d 係實, 股價係虛...
睇野要睇得遠, 而唔係集中係虛浮的短期"股價"

今日想提的另一集快將公佈業績的六褔(590), 呢個價錢.....無論短中長線....我覺得輸的機會相當低, 但成交不多, 是否最住的投資? 肯定不是.....但我相信亦唔會太差

Wednesday, April 30, 2008

雜記

任總每次出黎提醒一下, 都非常有指標作用, 過去的紀錄我不作重複...

最新的溫馨提示是美元可能會反彈!

核心股的業績不錯, 其他BLOGGER 已經有300 的超級詳細分析, 不作重複

濰柴(2338) 經過修定後, 冇左一筆非現金的虧損, 核心業務仍然強勁, 歐III 的發動機存貨可以賣到6月, 上半年的業績仍然樂觀, 而下半年的放慢已經反映於股價之上

Wednesday, April 09, 2008

業績

雨潤(1068) - 無畏上游豬價上漲問題, 成本轉嫁能力非常強, 但今年的加價能力能會轉弱因為政府的行政干預, 現金流健康, 續有拼購機會, 集團預留17億作收購, 手頭現金20億, 仍然有融資的需要, 有效稅率偏低, 只是5%, 整体業績算是有驚喜!

冠捷(903) - 平穩, 但平面電視將會成為增張動力, 但純利率只有2%的公司.....

工行(1398) - 受惠兩稅合拼, 1Q 的盈利將增張50% 以上, 相信會帶動整個內銀行業

Tuesday, April 08, 2008

Tuesday, April 01, 2008

龍工 (3339)

公司裝載機在國內的市場佔有率第一, 達20%, 毛利率最高, 但估值最低

最新投產的產仍未到達規模效應, 盈利被財務費用拖低, 現價9倍PE, 4%股息, 十分吸引

今日公司於5.78回購160 萬股, 涉資9百萬, 利好!

未來一兩年的增張只會大約10-20%, 但會持續受惠內地的龐大基建項目, $9-10 的目標價應該不難達到

財經消息 中國龍工(3339)主席夫婦上月三度增持2000萬股 持股已逾54%

財經消息 中國龍工(3339)獲GIC增持258.5萬股 持股量升至超過5%

東方電氣 (1072)

由於合拼新收購業務, 表面上冇增張, 實際EPS 由$1.92 升至$2.72

符合整体上市提升每股盈利的預期

成本上漲, RMB 升值對出口有壓力, 資金有壓力,

火電產品仍然佔大部份盈利, 水電毛利偏低, 風電開始獲利

火電: 22% (88%), 水電: 9.2%(4.9%), 風電: 8.2%(0.9%)

計劃增發A股投資於再生能源, 平均回本期6-7年, 內部回報率大約16-17%, 投資額大約40億

受惠於規模效應及大功率產品的市場份額增加, 現價10倍PE 左右, 估值低

整体上市後應該需要一段時間去整合業務及產品, 再生能源亦需要幾年時間去壯大, 火力發電的週期性及成本成為主要的風險

通漲

低利率引發資金泛濫, 各類資產均被炒作, 全球都位於通漲的威脅下

大米被炒高, 部份國家停止出口, 雖然中國的大米供應冇問題, 但我擔心的不是實際的糧食供應問題, 而是背後的物價壓力, 一但通漲失控, 唯一的方法只有加息及放慢經濟

Friday, March 28, 2008

中國人壽 (2628)

研究完呢份業績及參考各路人馬的資料後, 2628 明顯不是目前的投資首選。

對保險公司的認識嚴重不足, 要再下苦功....

Wednesday, March 26, 2008

中國人壽 (2628)



部份數字不知如何得出?其他投資收益非常巨大....短炒?!

但賬面投資成本35億, 期未市值100億, 就算A股跌, 影响不大
以上十大亦充份反映"市場專利"....

Tuesday, March 25, 2008

業績

中壽(2628) - 盈利屬預期下限, 最新EV 為 $9.0, 現價相當於3倍P/EV, 未見大量減持股權投資, 公司仍然以做強本業的方向為主。

華翔(1195) - Toxic derivatives 的影向浮現.....嚴重侵蝕公司盈利, 本業幾好都冇用, PE 幾低都冇用, BAD LISTED!

*PS 港股轉勢的機率頗大, 信貸市場有回穩的方向, 利淡消息已被消化大部份, 不致可收復失地, 但黎一次似樣的反彈機會唔細, 留意指標股388 的方向及反彈力度....

Friday, March 21, 2008

美股

DOW 的整体跌幅唔多, 是未跌夠? 或是指數欠缺代表性? 或反映弱美元下的強勁兢爭力?

JPMC 身在問題核心的美國, 只累跌11%, 而且反彈力強, 需說BSC 幾乎係送的.....

VISA 的IPO 可以幫一幫美國大行的1Q 業績....

香港除左係ATM 外, 陰謀論咁睇 (我一向唔喜歡呢種思維模式), 是否有心人刻意把港股沽落?

唔排除, 但唔可以一相情願咁諗....

Thursday, March 20, 2008

本地銀行估值


中移動 (941)

870億盈利, 增32%

EBITA 保持強勁, 未來三年未計3G 的資本開支為3000 億

手頭現金1700億, PE 23, 預期增張25%, 股息2%

中移動的身份十分複雜.....

100 蚊是吸引, 是否平? 見人見智....

平保 (2318)

平保(2318)宣布,於07年度,公司將高利率險種的評估利息率從6.5-7.5%降 至6-6.5%。該項會計估計變更對其07年度稅前利潤的影響為減少稅前利潤約96.98億元人民 幣。

歷史的高息保單, 一直係平保的計時炸彈, 人壽則由母公司持有, 應該唔會有呢筆賬...

平保在股市大量套現, 現手持大量現金, 眼光非常準, 做得非常好,

但連長棍都沽售, 是否在過度投機? 或集團有強大的資金需求? 或是中國股市真的那麼差?

期待2628 的業績....

招行 (3968)

07 年NAV $4.62, 増23%

各項指標都超越同業, 非常優秀

08 年以15% 增張計, 4倍PB = 4.62 x 1.15 x 4 = 21.25

15% 增張是基於人行指導性的貸款增張為假設

4 倍PB 的估值是否過高? 閣下自行想像...

$40 蚊的招行代表預期 25% 的08年增張及高達7倍的PB, 睇番轉頭就覺得太高....

VISA

全球最大的信用卡公司, IPO 集資178億美元, 收報56.5, 升28%

Mastercard 於06 年5月IPO, 由39 升至現價200, 升幅5倍

VISA 06年錄得創紀錄的440億筆交易, MA 則234億筆

VISA 全球發卡15 億張, MA 為9億張

全球最大的消費市場-美國, 在經濟衰退下, 會否影向信用卡生意呢?

新興市場的增張如何呢? 值得研究...

Wednesday, March 19, 2008

什麼是底, 什麼是頂?

估唔到的, 買唔到的就係!

Tuesday, March 18, 2008

東方電氣 (1072)

跌至整体上市方案公佈後的密集區, 絶對是中長錢的射程範圍, 正考慮換馬....

考慮因素:

1) 快公怖的業績增張可能好細....10-15%
2) 整合業務需時
3) 成本
4) 火力發電機組的需求及比例
5) 水力, 風力的增張, 毛利及比例
6) 出口的增張, 不是sales, 而係實際盈利, 因為RMB 升值有直接的影响

洗倉

基金洗倉, 不問價出貨

是否公司基本因素出問題? 不是

但要注意, 中國因素的Premium 正在急降, 理由:

1) "直通車"的矛盾
2) 控制價格上漲的行政手段
3) 雪災暴露出的內部問題
4) 宏調的力度
.......

仍然會持有300, 2338, 2628 , 但165 要減倉了....

Sunday, March 16, 2008

JPMC

如果今次吞埋貝爾法斯登, 摩根大通的實力已可超越花旗, 繼BANK ONE, CHASE 後.....又一次以收購壯大, 如果成功, 長遠對股東有極大的增值作用

此等收購跟平保的海外收購不能相比, 因為協同效應及市佔率的提昇相當明顯

中信證券與貝爾法斯登的換股方案不知會否落實....

JPMC 在中國, 無論在銀行及投行業務都未有合作伙伴, 會否將來跟中信系全面展開合作, 值得期待!

Thursday, March 13, 2008

廢話一篇

以下乃廢話一篇!

817 的大跌市, 由對沖基金斬倉拋售引起, 但當時暗地裡有"直通車", 北水, 及大量游資支持, 一天內轉升為跌, 再而大升二個月...

目前市況, 就本港相對於歐美, 仍受信貸危基影响, 基金為應付贖回或維持孖展按金, 爭住沽貨, 個別股份由於出於恐慌, 亦加入估售......惡性循環....

基本分析, 於短線不管用, 但長線最終都會被反映, 何時? 冇人有答案.....

聯儲局的動作有兩個解讀:
1) 會想盡辦法去救市
2) 幾努力都冇用

牛熊看法, 關鍵乃在於信心問題

Sunday, March 09, 2008

Update

林森池係訪問話睇年報唔使睇主席講話, 對於一D 鐘意吹水的公司, 當然係廢, 但我覺得一定要睇!都幾重要! 當然....附註係最重要及最容易被忽略的一部份....睇得多, 你先會知邊D 係垃圾公司...

對樓市, 我開始覺得樓價已到阻力位, 唔回落都會牛皮, 已變為有所保留...

對於本地上市的開發商, 就地皮加上參數, 環保要求及高度限制, 毛利率及NAV 都會受壓!

我仍然係主力於300,2628,2338,165....

市況確令人擔心, 但回歸基本, 以上股份吸引力不俗, 就算Decoupling 不成立, 亦已反映了不少利淡因素, 短線還有下跌空間, 但長線回報仍然吸引!

近日加入8196, 公司找到發展重點, 核心兢爭力在增強, 受IFC 及基金支持發展, 正等待全年業績作出檢討.....

Thursday, January 24, 2008

美國幫了中國一把

經濟衰退的定義為連續2季負GDP都錄得負增張, 聯儲局已放棄調控通漲, 全力挽救經濟, 美匯下跌而帶來的出口增張, 應該可以及時幫到下一季的GDP一把, 加上成效雖然預期一般的退稅措施及政府有機會加大開支, 美國經濟仍然有機會穩定下來的!

中國的宏調壓力細左, 貨幣政策可望由從緊轉為中性, 而且是開通直通車的良機, 中國股民已看到海外市場的兇險, 危機意識已得到提升, 只要洩洪有序, 慢慢解決國內資金流動性過大的問題, 中國的經濟可望得到軟著陸, 而且保持至少十年的穩定發展!

極專業的Smart Money

記得在環球股市大跌前, 港鐵有幾強勢嗎?!

在恐慌性沽售下, 其實還有極專業的資金在買貨...

港鐵一方面係公用股, 雖然佔整體盈利不是很重, 但防守性強

另一方面, 港鐵的負債及土地儲備均可直接受惠利率下跌, 由$20 買上$30 以上的資金.....不是很smart 嗎?

Wednesday, January 23, 2008

Tuesday, January 22, 2008

What a great moment!


Way of thinking

除左投資EQ, 最重要的係Way of thinking 同埋Vision!

身邊好多係讀理科的朋友, 投資方面的確係會比較弱, 諗野太logical, 太straight forward, 太理性, 而且多數眼界唔夠闊, 諗野唔夠靈活.....

反而鐘意歷史的人, 通常在投資方面較強......林sir 都係讀歷史的, Albert 亦睇得出係鐘意歷史之人....鐘意歷史之人諗野通常唔會咁偏激, 而且會較為虛心

anyway, 都只係我的一些觀察, 唔代表全部....

Monday, January 21, 2008

平保

個人認為, 最佳的收購係買入大摩手上的中金, 平保的大金融平台獨欠投行, 而大摩因為在中金缺乏話事權, 已經有出售之意...但協同效應亦只是一般

如政策許可, 入股農行及光大亦有可為...

海外收購風險甚大, 協同效應一般, 最大機會仍舊是富通

Sunday, January 20, 2008

國策

非常清楚地列出未來十年的大方向

未來中國黃金十年的投資方向

From: 維斯手記

Saturday, January 19, 2008

估值

十一月的跌市係基金換馬及部署新一年的投資組合, 資源及內房股被大量減持, 相對地本地地產及零售則強勢

依家的股市係進行緊重新估值, Re-valuation & PE multiple contraction, 例如之前認為20倍PE 係合理的, 如今只能接受16倍PE....加上美資及歐資班資回朝應付贖回及對沖基金落井下石, 趁亂打劫....正如林大師所講的"狼市"!

另外, 再一次證明, 港交所(388) 係港股表現的領先指標, 十分準確! 日後一定要好好利用...

其他的領先指標, 例如美聯(1200)對樓市, 人壽(2628)對A股都相當有用

何時再展升浪? 可能要加入觀察公用股及REITS 的表現, 無故成交增大, 而股價跌, 就係先兆....

近日的操作, 已經部署好未來1-2年的方向, 可以安心持股, 估計應該可以有50% 回報

Wednesday, January 16, 2008

市場專利

林森池講的.....跌市就要買優質股, 具市場專利, 壟斷優勢的企業!

人壽(2628) - 市場專利唔會因為次按而消失, 我亦懶得去比跟平保作比較, 反正分別唔會太大, 點入賬亦唔係最大的考慮, 近日積極增持人壽, 已為為重倉股之一....中信證券發H股及母公司注入南方電網係我引頸期待的....

中移(941) - 就算發多2個牌, 都應該冇威脅, 但風險大左, 今年肯定會發A股, 會成為新一代A股股王, 試問全球有幾多間公司可以有能力拒絕APPLE 的合作?! 兢爭力的表現!

北控(392) - 已經轉型為首都能源基建巨企, 壟斷首都的燃氣供應, 重要基建及市佔率最高的燕京啤酒, 受惠奧運, 可享有較高的估值, 如利用穩建的現金流再投資到週邊省份, 規劃效應會更大!

光控(165)及昆機(300) 不作重覆....

人棄我取

新地(16), 澳華(1862), 六褔(590) 及東方表行(398)在投資組合中發揮分散及對沖的作用,
如今變成一個儲水庫, 可以換馬大量買入, 人壽(2628), 光控(165), 北控(392)...

手上工業股除裕元(551)外, 今日係低位入左真明麗(1868), 個人認為....長線應該有超級回報

早前太過睇淡百麗(1880), 近幾個月已改觀, 被其強勁的核心兢爭力及優勢吸引, 今日正式加入組合, 作為消費類別

如果再跌, 仍然會視為換馬及優化組合的機會.....身邊的人開始心怯了, 掃貨時間已經開始....

Wednesday, January 02, 2008

三峽工程

三峽工程....東機的實力真係唔係講玩的...

中國新聞 三峽工程一年新增裝機容量500萬千瓦 創世界紀錄

<匯港通訊> 三峽電站第4台國產機組-17號機組併網發電,標誌三峽大壩右岸的國 產17號巨型機組正式投產,三峽工程今年新增裝機容量達到500萬千瓦,國務院三峽工程建 設委員會副主任、中國三峽總公司總經理李永安說,一個電廠一年安裝投產500萬千瓦機組 ,這在世界範圍創造新紀錄。 17號機組由東方電機(1072)設計製造,為水冷式發電機組,去年2月7日開始安裝,12月14日 完成安裝及無水調試。12月20日17時10分開始72小時試運行,機組連續滿負荷運行,全面考 核製造、安裝及調試質量。 三峽電站是當今世界上最大水電站,計劃安裝70萬千瓦的水輪發電機組32台,總裝機容量為 2240萬千瓦。去年是三峽右岸電站機組安裝投產高峰年。

光控 (165)


除左上面的因素, 仲有...

1) 光銀上市, 會被攤簿至低於5%, 由於失去決策權, 未來應該會出售...
2) 光證上市, 中國證券業正處於快速發展的階段, 光證的市佔率不差...
3) QDII, 每次炒QDII 都是必然的受惠股之一, QDII 及直通車係必然的事, 只係時間問題...
4) 手持中移動的股權, 都值少少錢...

詳細的分析, 請自己找資料, 冇目標價, 但至少都$35

Tuesday, January 01, 2008

2007 Review

投資回報 150%, 主要靠招行(3968), 神華(1088), 東機(1072), 六褔(590)及昆機(300)

2008 年, 如果只選6隻股票...

人壽(2628)
昆機(300)
光控(165)
中移(941)
港交所(388)
新地(16)

##HIDEME##