城市電訊 (1137)
表面上睇, 虧損大幅減少, 睇落好似幾好, 似復甦股!
但呢間公司的經營策略, 我真係不敢恭維...
今年的支出大幅減少, 係因為手頭的資金已經支持唔住佢以往驚人的廣告費!
就算固網同寬頻業務有增張, 亦只會被長途電話業務的下跌而抵消。
佢多年前, 基建網絡未搞好, 後台支援未做足就係咁博晒命咁宣傳, 谷客....
冇錯....當年上客好勁, 仲搞到佢心雄雄到去搞IP TV
結果....勁多客都不滿佢的服務, 寬頻變窄寬 (朋友的親身經驗), 服務熱線又差勁, 咁差的口碑一傳十, 十傳百, 家下就算佢講到個bb 100 好似劉翔咁曉飛...都冇人敢試啦, 好多客對佢已經死心
至於個IP TV.....我好懷疑有冇客囉...
睇番和記寬頻, 一開始就係以質素為先, 家下口碑都唔差
講到尾, 唔止冇核心的兢爭力, 經營策略仲係九流....呢D 公司點買呀?!
但並不代表佢唔會升喎! (玩野呀?!)
佢的基建都值錢架, NAV 高達1.5, 如果肯賣盤, 小股東都可以有番D安慰! 不過, 王生今日已經講到明唔會咁做, 小股東唯有寄望佢可以早日翻身啦!
6 comments:
What's TURNOVER 股?
typo, should be turnaround!
城市電訊個IP TV基本上係
用佢個BROADBAND同固網就送俾你睇。
應該冇客係俾錢睇。
要博或者博(8008)會私有化好過。
和記同香港寬頻都用過
香港寬頻無論係態度 善後服務同頻寬上
都好過和記好多
和記寬頻 線係PCCW租翻黎
連維修服務都係外判..
可能家下改善左好多, 但之前有幾衰, 係真人真事
問題就係呢度...家下就算真係好好, 我都唔敢用, 因為冇信心, 冇口碑麻!
我對和記已經好失望, 其實香港人依家上網已經要求快, BB100 真係有口啤, 可以去各大討論區睇下.
Post a Comment