投資心得

個人投資心得:

1) 以top-down approach 選行業, 再以bottom-up 選公司
2) 以high level of view 去睇資金流向
3) 訓練對資訊的敏感度
4) 投資係有策略的
5) 遠離群眾,獨立思考
6) 一綫龍頭股唔使花時間去研究, 應該分析明星股成功的因素, 在二綫股中找尋未來的明星

可能係因為同自己諗野的方向一樣, 覺得今個星期曹Sir講的野特別有用。

摘錄自"投資者日記":

『醒目投資者早已唔理會恒生指數升跌，而將注意力集中唔同行業身上。漲潮之時大部分股份上升、退潮之時大部分股份回落，除潮汐漲退外，其餘時間又點？恒生指數­創新高，唔代表所有股份創新高。今年5月至今如果唔識揀股，點樣賺錢？技術上睇，大價股已升得七七八八，二線股紛紛抬頭，通常感恩節後才開始
年底粉飾櫥窗，今年會否來得特別早？近日股市上升，部分同基本因素無關，而係資金充沛挾空倉（例如所有熊證持有者皆輸）。至今好友掌權，要邊隻升便邊隻升！通­常感恩節後流行炒落後，今年愈係落後大市股份，未來六星期應愈受追捧。』

『投資成功不在乎你開始時有幾多蚊年，只在乎你有­冇良好人際關係、對資訊敏感度及投資策略係咪正確。一萬元以年率25％增長，三十年後可變成八百零八萬元。何況今天大部分人擁有金錢點止一萬元？今天有用­資訊充斥整個市場，問題在於你冇有花心機去收集。』

『少少資本，加上知識及良好投資策略，建立財富又並想像中難。例如幾時買？買乜？自己可承擔幾多風險？幾時才沽售？點樣分散投資？等等。如你諗法做法普通，你只­係普通人。訓練自己思考時多用邏輯分析，少D感情用事；面對風險時懂得處理，遠離群眾。獨立思考係成功必須付出代價。』

『股市方面，請停止day trade，應花心機二線股身上。部分二線股可令投資者一年內投入資本上升一倍、兩年內升兩倍、三年內升四倍......上述例子十分多。二線股良莠不齊，­如冇花心機落去研究，往往買錯無良股份！今時今日股票投資早已專業化，唔願花時間去研究個別股份者，請停止買賣，以免累己累人！2008年北京奧運，最終會否將­中國經濟推向泡沫？依家研究仍尚早。今年對中國而言又係另一個GDP雙位數增長年份；明年估計略為放緩，不過升幅仍達GDP
9％或以上。我老曹見解亦一樣，後市小心應該，但睇淡不宜，只須讓利潤往前跑及訂下止蝕盤。我老曹再提各位一次：淡市莫估底，旺市莫估頂。』

『根據資料，過去五十年本港投資優質二線股，乃致富之道。今天唔少藍籌股三十年前亦係二線股，思捷環球（330）五年前仲係二線股，利豐（494）十年前一樣係­二線股。美國Ibbotson
Associates資料研究公司翻查美國過去八十年股票歷史（由1926年至今），如1926年投資一萬美元十隻優質二線股身上，到今年價值係三千九百六十­萬美元！最易賺錢方法係眼見自己投資二線股漸漸變成藍籌股。投資就係找尋邊一隻股票係明天思捷或利豐？林治著作中話：投資二線股令佢十三年內資本升值­二十七倍，所以四十六歲便退休去享受人生！今天微軟、沃爾瑪，過去亦曾經係二線股；甚至通用電氣，一百年前亦係二線股！Google五年內由二線股變成互聯­網巨無霸。可惜二線股大行好少推介（因為佣金收入有限，唔值得花心機），卻係投資者利之所在。』