投資未來
近日買賣頻繁, 未寫已經急升, 核心組合又唔會有咩大變動, 所以費事Update
六褔(590)
近日把六褔(590)納入中線中長線組合, 話說有日去買野, 職員服務態度專業, 隨口打探下國內的業務, 佢話擴展得唔錯, 去到200 幾間, 記得上年年報都係170間...廣東省的工場投場後, 生產力提升3倍之多, 雖然係以批發加工為主, 間廠的毛利唔會太高, 但規模效應明顯, 業績再比我預期好, 昨日已經再加碼。今年由內銷帶動下, 仍然會錄得可觀的增張, 我本身雖然鐘意周生生(116)多d, 都六褔(590)明顯抵買d!
中保(966)另一隻被納入中線組合的係中保國際(966), 壽險業務的內涵值計算, 價錢被低估, 唔熟保險, d 資料又唔知啱唔啱, 所以唔會詳細分析呢隻。
復星(656)
復星(656)一直有加碼, 係一隻唔會沽的股票, 老細郭廣昌, 唔係一般的民企老闆, 眼光準, 做事有道德, 現金流控制一流! 好多Private Equity(PE) 做收購只係識得大量舉債做收購, 現金流控制唔好, 造成極大的風險, 我睇左復星超過五年, 雖然有起有落, 但發展得好健康, 未來仍然有大把發展的空間!
英利(YGE)
趁調整, 借機入左唔少, 同尚德(STP)比, 市值只係前者的1/3, 但掌握比較上游少少的業務, 剛剛取得西班呀的大訂單, 我估計未來係德國, 美國, 中國的需求都會好強大, 依家汽車, 房屋都開始安裝太陽能設備, 連GOOGLE 總部都係用太陽能發電, 但盈利預測唔易搵, 不過我有信心5年內可以保持強勁的增張, 另一隻唔會沽的票股。
另一邊廂, 開始留意緊一D Mid-small-Cap, 例如:
第一天然(1076) - 公司開始回購, 業務及派息都合格
卓越(653) - 又係開始回購, 有Turnaround 機會, 但業務的盈利能力太弱, 唔安心
互太(1382) - 同德永佳(321)比, 呢隻的盈利能力強d, 估值平d, 但負債比較高, 而且無零售概念, 但現金流唔錯
港華燃氣(1083) - 前身係百江, 之前已經衰到貼地, 煤氣(3)係大陸的旗艦, 未來三年應該有大動作!
5 comments:
復星既價值係收購, 如果唔收購就可收皮, 以我對鋼鐵股的了解, 冇一隻鋼股的盈利質素差得過南鋼聯.
六福(590)係好野，有大陸零售Concept。
互太(1382)會用部份IPO資金會用黎減債，未來會冇Mud債。高Margin，其實係因為長期行"高檔次策略"。
其實小弟今日都入左小小 590, 係未睇 Wing 兄篇文之前, 買係因為夠平...但係持貨比較上"唔安樂", 主要係市場風險增加中, 遲 D 可能仲平...(之前都話比自己聽唔好買野住, 自己性格一定會持貨唔安樂)
Dear Wing,
I note your remark about 2888 in Cory's blog. Now that 2888 is on sale $10 cheaper, is it the right time to jump on board ? Thx.
2888 will have good support at $250, I just added more!
I expect it will keep out-perform HSBC for a period.
Post a Comment