威鋮國際 (1002)

讀都未識讀, 又從來未跟過, 今朝見有份通告話達成"冇法律約束的"的越南投資計劃, 成2億美元的總投資額, 有工廠, 有酒店, 有礦業....聽落好吸引

基於市場對越南股票的需求超級大, 近日越南亦多新聞, 多人談論

即刻快速咁立下個52週高低位, 半年圖表, nav, pe, yeild....初步確認安全

係0.3追入左, 食飯前check 下, 竟然升左18%

食完飯再check 下份年報, 都ok 架喎, 經營現金流唔錯, 有成億八, 只係毛利率跟所有的工業股一樣收窄緊,人工的成本上升50%, Current Ratio 唔夠健康, 短債太重, 幸好經營現金流強, 用25%已足夠應付利息開支。

其實有配售新股的需要! 但如果配股的資金可以改善財務及作為越南的投資資金, 配股後就有大升的條件, 及而更加安全!

年報的質素都算中上, 唔似係"問題"股

應該仲有大把水位升, 星期一會再加注, 如果真的配股, 之後又跌的話, 都會再趁低吸納, 短線目標係52週高位, 中線睇nav, 中長線睇升2-3倍。

我平時唔建議買垃圾股, 呢隻我都唔知係唔係垃圾, 但潛在回報十分吸引, 投機only!

我多閒錢先買, 此文作為參考及紀錄之用, 大家千萬唔好跟!!!!!