飛達帽業 (1100)

本來係比市場先生的回應, 不如POST埋係度啦

我都o岩o岩開始留意此股

現金流健康, 中期的經營現金流13m升至45m, 應收賬亦無轉壞

上個星期我第一次去LIDS 買野, 我買左一頂KANGOL的帽, 四百幾, 都幾貴, 感覺上, 毛利率應該相當高! 店舖服務態度好, 貨品種類都算齊, 買完唔o岩可以換一次貨, 亦有會員制, 日後有九折, 整體感覺唔錯!

收購番禺的廠房應該係一項成功的收購, 因為KANGOL 跟LIDS 的業務可以產生協同效應, 可以帶動毛利率回升。

講番間公司, 我始終認為幾年前的Business model 較為可取, 雖然依賴OEM 業務, 但經營風險較細, 盈利穩定, 上年失去MLB 的專利影響都幾大, 而且零售業務的增加左經營的風險, 資本開資亦大, 我最不滿係SANRIO 的零售業務, 我認為係大陸係無利可圖, 因為翻版太勁啦, 連香港的Klam's 都要摺埋就知....

從炒賣的角度出發, 飛達亦是標準的奧運概念股, 一定會有可觀的升幅, 睇下呢排的3G股就知,一但有資金追捧, 可以長升長有!

現價便宜, 可以開始分段收集, 但近期資金緊拙, 可能要待07年重整投資組合時先可以入貨。